ហង្សក្រហម Liverpool ប្រជែងជាមួយនឹងតោខៀវ Chelsea ក្នុងការដណ្តើមយកកីឡាករ Alex Teixeira
22-January-2016 | ដោយ មួយឡា
ពេលនេះ ក្លឹបហង្សក្រហម Liverpool ស្ងាត់ៗបានចាប់ផ្តើមចចារក្នុងការទិញកីឡាករខ្សែប្រយុទ្ធ Alex Teixeira របស់ក្លឹប Shakhtar Donetsk ។ កីឡាករជម្រើសជាតិប្រេស៊ីលរូបនេះលឺល្បីថាបានទទួលការ ចាប់អារម្មណ៍ផងដែរពីក្លឹប Chelsea ប៉ុន្តែនៅមិនទាន់មានអ្នកតំណាងណាមួយរបស់ក្លឹប Chelsea ទៅចចារជាមួយនឹងក្លឹប Shakhtar នៅឡើយនោះទេ។
កីឡាករ Alex ទើបតែមានវ័យ ២៦ ឆ្នាំអាចមានតម្លៃខ្លួនដល់ទៅ ២៩ លានផោន ដែលតម្លៃនេះក៏អាចធ្វើឱ្យក្លឹប Chelsea ស្ទាក់ស្ទើរចិត្តផងដែរ។ ក្លឹប Shakhtar ក៏មានឈ្មោះត្រូវទៅលេងនៅ Florida Cup ផងដែរ។ ចំនែកគ្រូបង្វឹក Jurgen Klopp វិញបានបញ្ជាក់ហើយថា គាត់នឹងស្វែងរកខ្សែប្រយុទ្ធម្នាក់ដែលខ្លាំងនឹងរកគ្រាប់បាល់បាន នៅរដូវកាលនេះ។ បើពិនិត្យមើលពីសមត្ថភាពរបស់ Teixeira គឺគាត់អាចរកគ្រាប់បាល់បានដល់ទៅ ២២ គ្រាប់សម្រាប់វត្តមាន ១៥ លើកនៅរដូវកាលនេះ។
បើក្លឹប Liverpool ពិតជាទិញបានខ្សែប្រយុទ្ធនេះមែន លោក Jurgen Klopp ពិតជារីករាយ និងស្វាគមន៍យ៉ាងកក់ក្តៅបំផុត។ បច្ចុប្បន្ននេះ ក្លឹប Liverpool លេងបានចំណាត់ថ្នាក់ល្អគួរសមឡើងវិញហើយ ប៉ុន្តែគេនៅមិនទាន់ឃើញវត្តមានរបស់កីឡាករ Daniel Sturridge ចូលលេងនោះទេចាប់តាំងពីដូរចេញនៅពេលប្រកួតជាមួយនឹងក្លឹប Newcastle កាលពីដើមខែធ្នូមក តែគេមើលឃើញថា វត្តមានរបស់ Roberto Firmino បានក្លាយជាកីឡាករដ៏សំខាន់ដែលបានលេងជាមួយនឹងក្លឹប Arsenal និង Manchester United ជាដើម៕
ប្រភព៖ goal.com , sportkh
ចំនួនអ្នកទស្សនា
- ថ្ងៃនេះ7581
- ម្សិលមិញ4461
- សប្តាហ៍នេះ12051
- ខែនេះ33931
- ឆ្នាំនេះ33931
- សរុប20476387